Presidentja e Kosovës, Vjosa Osmani ka uruar 7 Marsin, festën e Mësuesit duke thënë se 137 vite më parë me ndërtimin e mësonjtores së parë shqipe u vu guri themeltar i arsimit shqip.
Presidentja Osmani tha se investimi në arsim është jetik për mirëqenien shoqërore dhe shtetërore. Shkolla dhe mësuesit luajnë një rol vendimtar për një shoqëri të përparuar dhe shtet të zhvilluar.
“Sa më shumë investime në arsim, më shumë do ta nderojmë përkushtimin e palodhur të mësuesve tanë
Mësuesit janë garancia për cilësinë dhe formimin e brezave të ardhshëm.
Të dashura mësuese, të dashur mësues, urime 7 Marsi!”, thuhet ne njoftimin e Presidencës.
