Sekretari i përgjithshëm i NATO-s, Jens Stoltenberg ka thënë se aleanca ushtarake nuk ka plane të dërgojë trupa luftarake në Ukrainë.
Ai ka deklaruar se NATO-ja i ka ofruar mbështetje të paprecedentë Ukrainës.
“Aleatët e NATO-s po ofrojnë mbështetje të paprecedentë për Ukrainën. Ne e kemi bërë këtë që nga viti 2014 dhe jemi rritur pas pushtimit në shkallë të gjerë. Por nuk ka plane për trupat luftarake të NATO-s në terren në Ukrainë”, ka deklaruar Stoltenberg, raporton “The Guardian”.
Përpara një udhëtimi në Paris të hënën, ku zyrtarë të lartë nga mbi 20 vende diskutuan opsionet për të rritur ndihmën për Ukrainën, kryeministri i Sllovakisë, Robert Fico tha se disa janë duke shikuar tutje nëse do të arrijnë marrëveshje dypalëshe për të dërguar trupa në Ukrainë për ta ndihmuar atë të përballet me agresionin rus.
Fico tha se qeveria e tij nuk po planifikon të propozojë dërgimin e ushtarëve sllovakë, por nuk dha detaje se cilat vende mund të konsiderojnë marrëveshje të tilla, apo çfarë do të bëjnë trupat në Ukrainë.
Presidenti i Francës, Emmanuel Macron tha të hënën se ai refuzoi të përjashtonte dërgimin e trupave tokësore në Ukrainë, megjithëse tha se nuk ekzistonte konsensus për këtë hap.
