Për nder të rezistencës ukrainase në dy-vjetorin e pushtimit nga agresioni rus, Ambasada e Shteteve të Bashkuara të Amerikës ka vendosur flamurin “Të bashkuar me Ukrainën” në objektin e saj në Prishtinë.
Ambasadori Jeffrey Hovenier ka thënë se agresioni rus është i pa pranueshëm për paqen dhe sigurinë ndërkombëtare.
“Dy vjet pasi Rusia filloi pushtimin e saj brutal dhe në shkallë të plotë të Ukrainës, ne riafirmojmë angazhimin tonë si partnerë ndërkombëtarë për të mbështetur Ukrainën në luftën e saj për të mbrojtur popullin dhe territorin e saj, demokracinë dhe vlerat e saj”, ka shkruar Hovenier në X.
