Këngëtarja e pëlqyer shqiptare, Dafina Zeqiri, po vazhdon të jetë një personazh ndër më të ndjekurit dhe më të komentuar në rrjete sociale.
Ajo së fundmi ka marrë vëmendje me disa fotografi, pasi kishte vënë një varëse engjëlli në formë të kryqit.
Kjo bëri që të ketë një sërë shkrimesh në mediat online duke thënë se ka ndryshuar fenë.
Kjo duket ta ketë acaruar në masë të madhe artisten, e cila ka bërë një reagim me një postim në InstaStory.
“Feja e Shqiptarit është Shqipëtaria. Çfarëdo që vë në qafë, veshi, e bëj për qejf”, shkroi ajo.
Sidoqoftë, 32-vjeçarja po vazhdon punën me projekte të reja muzikore dhe brenda disa ditësh solli këngën “Dhimbje dhimbje”.
E njëjta po ashtu është ndër më të kërkuarat në mbrëmje e ahengje muzikore.
