Të paktën 17 persona nga Haiti kanë vdekur në një aksident me varkë në brigjet e Bahamas, sipas autoriteteve qeveritare në këtë shtet.
Kryeministri Bahamian Philip Davis tha se mendohet se ata që ishin në varkë po udhëtonin nga Haiti për në Miami, Florida në SHBA.
Policia në Bahamas tha se anija u përmbys më shumë se 11 km (6.8 milje) nga ishulli i New Providence.
25 persona të tjerë u shpëtuan, përfshirë një grua që u gjet e gjallë brenda varkës së përmbysur, thanë autoritetet.
Një fëmijë ishte mes të vdekurve. Të paktën një person është ende i zhdukur.
Dy persona u arrestuan nga Bahamasi, për operacionin e dyshuar të kontrabandës me qenie njerëzore, thanë zyrtarët haitianë.
