Deputetët e Listës Serbe e cila kontrollohet nga presidenti i Serbisë Aleksandër Vuçiq ka dy vite që kanë braktisur kuvendin e Republikës së Kosovës. Ata vijnë çdo 6 muaj për tu nënshkruar në kuvend vetëm sa për të mos i humbur mandatet ndërsa sapo nënshkruhen dalin nga salla e kuvendit.
Bashkë me Listën Serbe janë edhe dy deputetë të minoriteteve, Adem Hodža nga Partia Unike Gorane dhe Fadil Gashi nga Partia Iniciativa Rome të cilët ndjekin politikën e Listës Serbe edhe pse janë të votuar nga komuniteti goran dhe rom në këtë rast.
Përveç kësaj deputeti Adem Hoxhiç është parë në foto me njerëz të strukturave paralele në Komunen e Dragashit struktura këto që kanë vepruar ilegalisht në këtë pjesë të territorit të Republikës së Kosovës.
Gjatë ditës së sotme Adem Hoxhiç dhe Fadil Gashi u panë në sallën e kuvendit duke u nënshkruar dhe pasi dolën nga salla, gazetari i KosovaNews iu është vënë pas për t’i pyetur se kujt po i shërbejnë dhe pse po e marrin rrogën e shtetit të Kosovës përderisa ata nuk vijnë në punë.
Me gjithë insistimin e gazetarit ata nuk u përgjigjen duke u shmangur nëpër zyrat e kuvendit të Kosovës, për më shumë ndiqeni reagimin e tyre.
