Në qendër të Istogut, me vendim të Komunës, kanë filluar punimet e disa rrugëve, duke e shkatërruar gjelbrimin. Kjo ka ngjallur pakënaqësi të shumta tek qytetarët. Aktivisti i Vetëvendosjes, Lirim Selmanaj, nga kjo komunë, ka reaguar nëpërmjet një postimi në faqen e tij në Facebook, duke e quajtur masakër mbi natyrën veprimin e Komunës.
“Rruga ‘Ibrahim Rugova’ në Qendër të Istogut sot u kthye në rrugën e masakrës mbi natyrën e qytetit tonë në mes të ditës, pa asnjë ndjeshmëri e pa asnjë paralajmërim paraprak. Gjatë ditës së sotme me vendim të Komunës së Istogut u pren të gjithë lisat që ishin mbjellur vite më parë në të dy anët e rrugës, në emër të ndërtimit të sheshit të ri të qytetit. Zullum ndaj qytetarëve. Zullum ndaj natyrës. Dikush duhet të jap përgjegjësi!, ka shkruar Selmanaj në profilin e tij, duke e shoqëruar me fotografi, të cilin e kanë përkrahur shumë qytetarë me komentet e bëra.
