Liderë rajonalë të Ballkanit Perëndimor dhe zyrtarë tjerë të lartë janë mbledhur sot (22 janar), në Shkup të Maqedonisë së Veriut, për të marrë pjesë në punimet e konferencës së Bashkimit Evropian për rritje ekonomike të rajonit.Bëhet fjalë për konferencën “Plani i Rritjes së Ballkanit Perëndimor dhe Integrimi më i Shpejtë në BE”.
Në fillim të samitit, është deklaruar kryeministri i Shqipërisë, Edi Rama, ku tha se takimi i sotëm përveç që është i rëndësishëm është edhe një hap i madh për t’u afruar më shumë me Bashkimin Evropian.
“Është një takim i rëndësishëm këtu sot. Një hap i madh për tu afruar më shumë me Bashkimin Evropian. Konsideroj që është një mundësi për të gjitha vendet e Ballkanit Perëndimor të diskutojmë se bashku”, deklaroi Rama.
Nikoqir i konferencës do të jetë kryeministri maqedonas, Dimitar Kovaçevski, ndërkohë që i pranishëm do të jetë edhe kryeministri i Kosovës, Albin Kurti, si dhe ai i Malit të Zi, Millojko Spajiq dhe presidenti i Serbisë Aleksandar Vuciq.Në takim do të ketë edhe përfaqësues prej Bosnje-Hercegovinës.
Përveç tyre, Shtetet e Bashkuara do të përfaqësohen prej Ndihmëssekretarit amerikan të Shtetit për Evropën dhe Euroazinë, James O’Brien.
