Me rastin e Ditës së Veteranit, kryetari i Aleancës për Ardhmërinë e Kosovës (AAK), Ramush Haradinaj ka zhvilluar takim me përfaqësuesit e OVL-UÇK-së.
Ai së bashku me një pjesë të stafit të tij u pritën nga përfaqësuesi i kësaj organizate, Faton Klinaku.
Klinaku në shenjë nderimi u shpërndau disa simbole të UÇK-së, ndërsa Haradinaj i uroi për “lirimin e kolegëve nga Haga”.
“Urime edhe për kolegët që u erdhën, kjo ditë është e veçantë në krejt botën. Kemi rastet veçanta që sjellin mundin e familjeve së dëshmorëve, familjes Jashari, e plotë sakrificave tjera për liri”, deklaroi Haradinaj, raporton EO.
Ndryshe, Dita e Veteranit shënohet më 30 dhjetor, për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.
Shënimi i kësaj dite është rregulluar sipas Ligjit për veteranët e luftës së UÇK-së.
