Kryeministri i Kosovës, Albin Kurti në një konferencë të përbashkët për media me ministren e Punëve të Jashtme dhe Diasporës, Donika Gërvalla, foli edhe për të arriturat e qeverisjes gjatë këtij viti.
Ai ka thënë se nuk mendon që është i përkryer, por nuk ka asnjë drejtim të gabuar.
“Unë nuk mendoj se kam qenë dhe as nuk jam i përkryer, ka pasur fusha në të cilat do të dëshiroja që të shkojmë më shpejt, por nuk ka asnjë drejtim të gabuar”, ka thënë Kurti.
Kurti ka thënë se në këtë drejtim nuk ka asnjë lloj dashakeqësie.
“Nuk ka kurrëfarë dashakeqësie, përkundrazi interes publik për të mirën e qytetarëve”, ka thënë tutje kreu i ekzekutivit.
Mes të tjerash kryeministri Kurti është shprehur se opozita është e pakënaqur sepse është në opoziitë dhe se nuk mund t’i ndihmojë.
“Të gjitha kritikat ne i marrim me shumë vëmendje e kujdes sepse na ndihmojnë”, është shprehur kryeministri i vendit, Albin Kurti.
