Presidenti i Bullgarisë, Rumen Radev ka thënë se mes Kosovës dhe shtetit të tij ka ende hapësirë për zhvillim mes dy vendeve.
Radev në një konferencë për media pas takimit që zhvilloi me presidentet e vendit, Vjosa Osmani u shpreh se Bullgari është një nga vendet e para që njohu pavarësinë e Kosovës.
Tutje ai përshëndeti përpjekjet e dy palëve që të ketë tregti mes dy vendeve.
“Shqyrtuam hapa konkret në zhvillimin e marrëdhënieve tona në perspektiv. Mes Kosovës dhe Bullgarisë akoma ka hapësirë për zhvillimin e së ardhmes, si dhe të zgjerojmë bazën juridike për marrëveshje të reja. Duhet të përshëndes përpjekjet e dy palëve që të ketë tregti mes dy vendeve, dhe jo vetëm të bëjmë tregti por edhe të prodhojmë. Kjo është e ardhmja që të përpunojmë teknologji të reja. Bullgaria është një nga vendet e para që në vitin 2008 njohën pavarësinë Kosovës”, ka thënë ai.
Sipas tij, Bullgaria do të vazhdojë që të jap ndihmën e saj për anëtarësimin e Kosovës në Këshillin e Evropës.
“Bullgaria është një prej motorëve për integrimin e të gjitha vendeve për në BE. E dimë se sa është e vështirë që t’i zhvilloni këto reforma në fushën e drejtësisë”, u shpreh ai.
