Kompania Everrati krijoi një restomod elektrik, frymëzimin për të cilin e ka gjetur në gjeneratën legjendare Porsche 911 RSR 3.8 964.
Porsche prodhoi vetëm 51 shembuj të origjinalit RSR 3.8, kështu që është mirë të dihet se restomodi elektrik në fakt mori trupin e tij prej karboni. Sidoqoftë, gjenerata standarde e Porsche 911 964 duhej të sakrifikohej.
Projekti filloi me një veturë të ngushtë, por pasuan modifikime të shumta, duke përfshirë heqjen e ulëses së pasme, instalimin e një kafazi rrotullues dhe ulëset e lehta të përparme. Fatkeqësisht, asnjë foto e brendshme nuk është publikuar.
Vetura mundësohet nga një bateri 63 kWh me ftohje dhe softuer të përmirësuar. Motorët elektrikë drejtojnë boshtin e pasmë nëpërmjet një diferenciali me rrëshqitje të kufizuar, ndërsa pezullimi adaptiv aktiv TracTive garanton stabilitet. Everrati premton një distancë prej 322 kilometrash, si dhe përshpejtimin nga 0 në 100 km/h në më pak se 4 sekonda.
Paketa e re aerodinamike përfshin një spoiler më të madh të pasmë të frymëzuar nga ai në RSR, si dhe një ndarës të ri të poshtëm përpara. Një grup rrotash 18-inç HRE janë të ngjashme me rrotat origjinale nga RSR, të cilat në atë kohë ishin huazuar nga 911 Turbo i gjerë. Pjesa e brendshme është e pajisur me sistemin Apple CarPlay, si dhe teknologji për karikim të shpejtë AC ose DC. Koha e karikimit nuk zbulohet.
Shpërndarja e peshës së automjetit është e ngjashme me atë të makinës origjinale, kështu që restomod lë një “ndjesi të vërtetë 911”.
