Është ndarë buxheti shtesë për Forcën e Sigurisë së Kosovës (FSK) në vlerë prej 40 milionë eurosh, në mbledhjen e sotme të Qeverisë.
Në njoftim thuhet se shuma e përgjithshme e buxhetit të alokuar për mbrojtje sivjet tejkalon nivelin prej 200 milionë eurove, apo mbi 2% e BPV.
Sipas njoftimit, ky është kriter për shtetet anëtare të NATO-s.
Në lidhje me këtë, kryeministri i vendit, Albin Kurti, tha se me këtë ndarje po plotësohet edhe një kriter i NATO-s nga Kosova.
“Ndër vendimet e sotme të qeverisë, u mor edhe vendimi për ndarjen e buxhetit shtesë për FSK-në në vlerë prej 40 milionë euro, dhe me këtë ndarje, shuma e përgjithshme e buxhetit të alokuar për mbrojtje sivjet tejkalon nivelin prej 200 milionë eurove, apo mbi 2% e BPV, kriter ky për shtetet anëtare të NATO-s”, thuhet në vendim.
