Sandra Day O’Connor, gruaja e parë që shërbeu në Gjykatën e Lartë të Shteteve të Bashkuara të Amerikës, ka vdekur në moshën 93-vjeçare, shkruan BBC.
Ajo vdiq të premten në mëngjes në Phoenix, Arizona për shkak të komplikimeve me demencën dhe një sëmundje të frymëmarrjes, thuhet në një deklaratë nga Gjykata e Lartë e ShBA.
Gjyqtarja O’Connor u emërua në gjykatën më të lartë të Amerikës nga ish-presidenti amerikan Ronald Reagan në vitin 1981.
Ajo shërbeu për drejtësi për më shumë se 24 vjet deri në pensionimin e saj më 2006.
Një konservatore e moderuar, ajo u largua nga gjykata për t’u kujdesur për bashkëshortin e saj, John Jay O’Connor, i cili po luftonte me sëmundjen e Alzheimerit. Presidenti George W Bush emëroi gjyqtarin Samuel Alito si zëvendësues të saj.
