Kryeministri i ri i Zelandës së Re planifikon ta ndalojë përdorimin e telefonave në shkolla dhe të shfuqizojë kontrollet e duhanit në agjendën ambicioze që e publikoi të mërkurën për 100 ditët e para në detyrë.
Christopher Luxon përshkroi 49 vendime që ai theksoi se qeveria e tij konservatore synonte të ndërmerrte gjatë tre muajve të ardhshëm. Ligji i parë i ri që ai planifikon të miratojë është shkurtimi i mandatit të bankës qendrore për t’u fokusuar thjesht në mbajtjen nën kontroll të inflacionit.
Shumë nga veprimet në planin 100-ditor përfshijnë shfuqizimin e iniciativave nga qeveria e mëparshme liberale, e cila kishte qenë në detyrë për gjashtë vjet. Përpjekjet e reja përfshijnë një plan për ta dyfishuar prodhimin e energjisë së rinovueshme.
Luxon ka thënë se shumë nga masat kishin për qëllim përmirësimin e ekonomisë. Shumë nga planet po rezultojnë të diskutueshme, duke përfshirë atë për të shfuqizuar kufizimet e duhanit, i miratuar vitin e kaluar nga qeveria e mëparshme.
