Një nga personat e dënuar për vrasjen e gazetares ruse në vitin 2006, Anna Politkovskaya është falur pasi u angazhua gjatë luftimeve në Ukrainë, thotë avokati i tij.
Sergei Khadzhikurbanov, një ish-oficer policie në Moskë, u dënua me 20 vjet burg në një gjyq në vitin 2014.
Por, avokati i tij Alexei Mikhalchik tha se ai tani kishte marrë një falje presidenciale pasi kishte përfunduar një kontratë ushtarake gjashtëmujore.
Ai ishte një nga pesë personat e dënuar për vrasjen e gazetares Politkovksaya.
Politkovskaya, një reportere investigative dhe kritike e zëshme e luftës së Rusisë në Çeçeni, u qëllua me armë në një ashensor në bllokun e saj të apartamenteve.
Raportimi i saj për gazetën Novaya Gazeta fitoi famë ndërkombëtare për hetimin e saj të ashpër të abuzimeve ruse në Çeçeni.
Por, raportimet e saj të cilat ishin shumë kritike ndaj presidentit Vladimir Putin dhe udhëheqjes çeçene, zemëruan shumë autoritet.
Khadzhikurbanov u shpall fajtor për sigurimin e mbështetjes logjistike për vrasjen.
“Si një luftëtar i forcave speciale, [Khadzhikurbanov] u ftua të nënshkruajë një kontratë për të marrë pjesë në operacionin ushtarak special”, tha avokati i tij për AFP.
“Kur skadoi kontrata, ai u fal me dekret presidencial”.
