Rafael Leao do të qëndrojë jashtë fushës për të paktën 20 ditë, kështu ka deklaruar mediumi italian Gazzetta dello Sport.
Kësisoji ai nuk ka gjasa të jetë i gatshëm për ndeshjen kyçe të “Rossonerëve” në Ligën e Kampionëve kundër Borussia Dortmundit.
Ylli portugez u zëvendëusa në barazimin 2-2 kundër Lecces të shtunën dhe testet mjekësore kanë nxjerrë në pah një lëndim në kofshën e djathtë.
Raporti shton se koha e Leaos jashtë fushave mund të zgjasë edhe më shumë në rast se doktorët e klubit tentojnë që ta rikthejnë atë në fushë para kohës.
Prandaj, është praktikisht e pamundur që Leao të jetë pjesëmarrës në ndeshjen e ardhshme të Milanit në shtëpi kundër Fiorentinës më 25 shtator dhe ka shumë pak gjasa që 24-vjeçari të jetë në dispozicion për ndeshjen kundër Borussia Dortmundit tre ditë më vonë.
Leao ka shënuar katër gola në 16 paraqitje në të gjitha garat këtë sezon, duke dhënë edhe katër asistime.
Milani ka vuajtur shumë nga lëndimet këtë sezon duke humbur disa nga lojtarët më të rëndësishëm për një pjesë të konsiderueshme të sezonit.
Përveç Leaos i lënduar në ndeshjen ndaj Lecces kishte mbetur edhe Davide Calabria i cili u deshtë zëvendësohej nga Yunus Musah
