Të paktën 30 persona janë lënduar në Italinë qendrore pas një shpërthimi në një vendstrehim refugjatësh që shkaktoi shembjen e ndërtesës.
Shumica pësuan lëndime të lehta në shpërthimin e së premtes mbrëma, megjithëse një person u transportua me aeroplan në një spital në Romë, thanë autoritetet në qytetin e San Lorenzo Nuovo.
Agjencia italiane e lajmeve ANSA raportoi se ka nisur një hetim për shkaktimin e lëndimit trupor nga pakujdesia dhe se shkaku i shpërthimit është i paqartë.
Deri më tani, nuk ka pasur indikacione se mund të jetë një sulm i organizuar kundër refugjatëve.
Ndërtesa e shembur ndodhet në zonën industriale të qytetit, ku kryesisht banonin burra.
Ndryshe, Italia ka qenë destinacioni kryesor i emigrantëve gjatë viteve të fundit, kryesisht të atyre afrikanë.
C'è stata un'esplosione nella notte tra venerdì 10 e sabato 11 novembre 2023 nel centro di accoglienza per migranti "Ospita" di San Lorenzo Nuovo, nel Viterbese. Secondo l'ultimo bilancio dei soccorritori le persone coinvolte sarebbero almeno 31 di cui diversi bambini pic.twitter.com/KxILjFtMqm
— askanews (@askanews_ita) November 11, 2023
