Shqiprim Arifi ka njoftuar se mu nuk do të kandidojë për postin e kryetarit të partisë Alternativa. Ai thotë se pas dy mandateve si kryetar, partia Alternativa për Ndryshim është partia më e fuqishme në Luginën e Preshevës.
“Të dashur vëllezër dhe motra, aapo përfundoi mbledhja e gjithë strukturës së ALTERNATIVËS, me kryetarët e nëndegave, kryesinë e përgjithshme dhe këshilltarët e Kuvendit Komunal. I njoftova të gjithë zyrtarisht se pas vendimit të para dy javëve, për t’i shpallur zgjedhjet e brendshme në parti, me të cilën përfundon edhe mandati im i dytë, me plot dëshirë dhe vullnet për të respektuar statutin e partisë (i cili e kufizon mandatin për kryetar të partisë në maksimum 2 mandate) NUK do të kandidojë më për postin e kryetarit të partisë”, ka shkruar ai në Facebook.
Arifi ka pohuar se për të ka qenë një rrugëtim i paprecedent në jetën time.
“Një histori e suksesit, pasi sot, ALTERNATIVA për Ndryshim është partia më e fuqishme në Luginë të Preshevës. ALTERNATIVA është afirmuar në të gjitha trojet shqiptare, fituese e të gjitha zgjedhjeve në 8 vitet e fundit, një parti e të rinjëve dhe të rejave, një parti që filloi projektet më vitale në qytetin e Preshevës, që ka punësuar mbi 500 qytetarë në 8 viteve të fundit dhe një parti që ka sjellë shumë DASHURI për çdo shqiptar në Preshevë dhe në gjithë trojet anembanë”, ka deklaruar ai.
Arifi ka falënderuar votuesit dhe mbështetësit e tij.
