Ka nisur seanca e jashtëzakonshme e Kuvendit të Kosovës, e thirrur nga Partia Demokratike e Kosovës. Në këtë seancë ka vetëm disa deputetë të opozitës, më së shumti në numër janë ata nga PDK-ja. Deputetët e pushtetit e kanë bojkotuar sërish këtë seancë.
Seanca ka vetëm një pikë të rendit të ditës, që është shqyrtimi i propozim-rezolutës për mbështetjen urgjente financiare të Policisë së Kosovës.
Seanca e njëjtë pati dështuar të mbahen javën që shkoi në mungesë të kuorumit, pasi që deputetët e pushtetit nuk morën pjesë në të.
Deputeti i PDK-së, Rashit Qalaj, po mban një fjalim duke përmendur kushtet e rënda me të cilat po përballet Policia e Kosovës.
Qalaj ka paraqitur para deputetëve edhe një rezolutë në mbështetje të pjesëtarëve të Policisë së Kosovës.
Fjalim mbajti edhe deputeti tjetër i partisë më të madhe opozitare, Hisen Berisha e deputeti i LDK-së, Anton Quni.
Ndërkaq, partia në pushtet Lëvizja Vetëvendosje (LVV) nuk janë të pranishëm në këtë seancë.
