Kryetari i Aleancës për Ardhmërinë e Kosovës, Ramush Haradinaj, ka pritur në takim ambasadorin e Austrisë në Kosovë, Georg Schnetzer.
Gjatë këtij takimi, Haradinaj thotë se kanë diskutuar për zhvillimet aktuale në vend.
“Duke i uruar mirëseardhje dhe punë të mbarë në vendin tonë, me ambasadorin Schnetzer biseduam për zhvillimet aktuale në vendin tonë dhe gjithashtu vumë theksin tek marrëdhëniet historike ndërmjet dy popujve”, shkroi Haradinaj në Facebook.
Ambasadorin Schnetzer, Haradinaj e falënderoi për ndihmën e vazhdueshme që Austria i ka dhënë Kosovës në të gjitha periudhat e shtetndërtimit.
“Me theks të veçantë në zhvillimin ekonomik të vendit dhe në rrugën tonë drejt integrimeve euro-atlantike”, shtoi ai.
