Disa gazetarë po bëjnë sakrificën jetësore derisa po mbulojnë luftën midis Izraelit dhe Hamasit.
Të paktën shtatë gazetarë janë vrarë në Rripin e Gazës që kur Hamasi filloi sulmin e tij të shtunën, sipas grupeve të lirisë së shtypit dhe raporteve të medias, shkruan CNN.
Sipas këtij mediumi, ky numër mund të rritet edhe më tej në ditët në vijim pasi Izraeli kryen sulme hakmarrëse kundër Hamasit, ndërkohë që grupi terrorist vazhdon të kryejë ofensivën e tij kundër shtetit hebre.
Po ashtu thuhet se gjakderdhja nënvizon rrezikun shumë real që gazetarët marrin përsipër ndërsa raportojnë nga zonat e konfliktit, duke mbledhur informacion në rrethana jashtëzakonisht të vështira për të mbajtur botën të informuar dhe për t’i mbajtur autoritetet përgjegjëse për atë që po ndodh në terren.
“Në shumë mënyra, gazetarët më të cenueshëm janë ata që duhen më shumë,” ka thënë të martën Sherif Mansour, një koordinator i Komitetit për Mbrojtjen e Gazetarëve që mbikëqyr Lindjen e Mesme.
