Trupat e më shumë se 200 izraelitëve që janë vrarë nga militantët e Hamasit, janë gjetur në Kfar Aza në jug të Izraelit.
Siç raporton televizioni i24News që thirret në ekipet e shpëtimit nga organizata ZAKA, thuhet se në mesin e viktimave janë rreth 40 fëmijë. Ky televizion raporton se disa fëmijëve u janë prerë kokat.
Përfaqësues të mediave janë ftuar sot që të vizitojnë vendin ku janë zhvilluar luftimet në Kfar Aza, që e shkatërroi Hamasit në orët e para të së shtunës.
Ushtarët izraelitë po ballafaqohen me situata tejet rënda, derisa po largojnë trupat e viktimave dhe thonë se kudo po ndihet era e vdekjes.
Veturat e parakuara janë djegur plotësisht. Akoma nuk dihet numri i izraelitëve të vrarë, pasi kufomat akoma janë duke u mbledhur nëpër shtëpi. Më shumë se 70 militantë të Hamasit kishin sulmuar Kfa Azan.
“Nuk është luftë. Nuk është fushëbetejë. Shikoni foshnjat, nënën dhe babanë në dhomat e tyre të gjumit të cilët terroristët i vranë. Është masakër”, ka thënë gjenerali izraelit Itai Veruv.
Tmerre janë kryer sipas mediave izraelite, ku janë përdorur, pushkë, granata e thika. Për ushtarët izraelitë është akoma sfidë që të kontrollojnë çdo shtëpi për shkak të numrit të madh të minave që janë vendosur.
Gazetarët janë këshilluar që të qëndrojnë sa më larg kësaj zone, pasi nuk është pastruar nga lëndët e ndryshme shpërthyese.
Ky tmerr u zbuluar vetëm një ditë pasi që ekipet izraelite të shpëtimit ZAKA, gjeti 108 trupa në Beri, në jug të Izraelit, që u sulmua nga militantët e Hamasit.
🔞 A container with burnt bodies was found in kibbutz Kfar Aza, liberated from terrorists. pic.twitter.com/0KbqrccroU
— Only Truth 📰 (@Neurographx) October 10, 2023
