Një sulm ajror izraelit ka vrarë dy zyrtarë të lartë të Hamasit në Gaza.
Kështu ka deklaruar një zyrtar i grupit, i cili ka zbuluar edhe emrat e të vrarëve, raporton skynews.
Dy burrat nga zyra politike e Hamasit – Jawad Abu Shammala dhe Zakaria Abu Maamar – thuhet se u vranë në Khan Younis në Rripin jugor të Gazës.
Kujtojmë se javën e kaluar militantët e Hamasit kanë sulmuar papritur shtetin e izraelit, e cila gjë ka shkaktuar reagimin e forcave ushtarake Izraelit.
Mbi 1000 izraelitë janë vrarë që nga inkursioni i Hamasit, ka pohuar ambasada izraelite në SHBA.
Ndryshe, mbi 700 palestinezë raportohet se deri më tani kanë vdekur që nga dita e shtune.
