Të shtunën ka vdekur si pasojë e lëndimeve të marra në vend pune një punonjës. Punonjësi vdiq në QKUK.
Zëdhënësi i Policisë për rajonin e Prizrenit, Vesel Gashi, ka thënë se bazuar në hetimet e para, dyshohet se punonjësit i ka rënë nga ballkoni i katit të dytë një pako e qeramikave në kokë.
“Sipas hetimeve të para thuhet se nga ballkoni i katit të dytë i ka rënë një pako me qeramika në kokë. Personi ka vdekur në QKUK për shkak të plagëve të marra në vendin e punës”, ka njoftuar Gashi.
Ai ka thënë se trupi është dërguar për obduksion në IML.
Është rasti i radhës që një punonjës vdes në vend pune. Në kohët e fundit janë regjistruar disa raste të vdekjes së punëtorëve në vende pune. Nga sindikatat ka pasur thirrje drejtuar institucioneve për t’u marrë me çështjen e sigurisë në vend pune.
