Skuadra e Granadas nuk e ka nisur mirë sezonin e ri në La Liga, ku pas shtatë ndeshjeve ka arritur ta regjistrojë vetëm një fitore, ndërsa ka pësuar pesë humbje.
Granada ishte në aksion edhe sot, ku luajti si vendase ndaj Real Betisit, dhe barazoi 1:1, barazimi ky i pari i këtij sezoni.
Përveç faktit që nuk po ka rezultate të mira, listës së shqetësimeve të Granadas i shtohet edhe lëndimi i yllit shqiptar, Myrto Uzuni.
Uzuni pësoi një lëndim gjatë ndeshjes, dhe iu nevojit ta lë fushën në minutën e 38’.
Përveç Granadas, lëndimi i Uzunit tani do të jetë problem edhe për Sylvinho e Kombëtaren e Shqipërisë.
Më 12 tetor, Shqipëria i rikthehet aksionit në kualifikimet e Evropianit Euro 2024, ku e pret në “Air Albania” Republikën e Çekisë.
Mbetet të shihet nëse lëndimi i Uzunit është serioz apo jo, dhe nëse do të mungojë për ndeshjen e Shqipërisë ndaj Çekisë.
