Komisioni për Mjedis, Ushqim, Bujqësi, Planifikim dhe Zhvillim, mbajti mbledhjen e radhës, në të cilën miratoi disa projektligje.
Komisioni gjatë mbledhjes së sotme shqyrtoi dhe miratoi raportin me amendamente të nëntëmbëdhjetë (19) projektligjeve për harmonizimin me Ligjin për Kundërvajtje nga fusha e bujqësisë, si në vijim:
Projektligji për ndryshimin dhe plotësimin e Ligjit për regjistrimin e bujqësisë,
Projektligji për ndryshimin dhe plotësimin e Ligjit për prodhimin, grumbullimin, përpunimin dhe tregtimin e duhanit,
Projektligji për ndryshimet dhe plotësimet e ligjit për peshkatari dhe akuakulturë, Projektligji për ndryshimet dhe plotësimet e Ligjit nr.2003/5 i Kosovës për Farërat,
Projektligji për ndryshimin dhe plotësimin e Ligjit për Bujqësi Organike,
Projektligji për ndryshimet dhe plotësimet e Ligjit për mbrojtjen e bimëve,
Projektligji për ndryshimet dhe plotësimet e ligjit për gjuetinë, Projektligji për ndryshimet dhe plotësimet e Ligjit për materialin fidanor,
Projektligji për ndryshimin dhe plotësimin e Ligjit për pasurimin e miellit, Projektligji për ndryshimet dhe plotësimet e Ligjit për rregullimin e tokës,
Projektligji për ndryshimin dhe plotësimin e Ligjit për bletari,
Projektligji për ndryshimet dhe plotësimet e Ligjit për plehrat artificiale,
Projektligji për ndryshimet dhe plotësimet e ligjit për përkujdesjen ndaj kafshëve,
Projektligji për ndryshimin dhe plotësimin e Ligjit për veterinarinë,
Projektligj për ndryshimin dhe plotësimin e Ligjit për inspeksionin bujqësor,
Projektligji për ndryshimin dhe plotësimin e Ligjit produkteve për mbrojtjen e bimëve,
Projektligji për ndryshimet dhe plotësimet e Ligjit për ujitjen e tokave bujqësore,
Projektligji për ndryshimin dhe plotësimin e Ligjit për kooperativat e buqëve, si dhe Projektligji, për ndryshimin dhe plotësimin e Ligjit për tokën bujqësore.
Anëtarët e Komisionit, po ashtu votuan edhe Raportin vjetor të Autoritetit të Aviacionit Civil (AAC).
