Kosova ka fituar të drejtën për organizimin e Lojërave Mesdhetare për vitin 2030 – “Prishtina 2030”.
Kështu vendosi sot Asambleja e Përgjithshme e Komitetit Ndërkombëtar të Lojërave Mesdhetare (ICMG), që u mbajt në Heraklion të Greqisë.
Nga 66 delegatë sa ishin të pranishëm, 55 votuan pro Kosovës, tetë kundër dhe tre abstenuan.
Komiteti Ndërkombëtar i Lojërave Mesdhetare ka publikuar një video nga momenti kur Kosova u shpall fituese për organizimin e LM të vitit 2030, me Prishtinën nikoqire.
“Qyteti pritës i Lojërave të 21-të Mesdhetare 2030 do të jetë Prishtina pas një procesi votimi në Asamblenë e Përgjithshme të ICMG-së. Kryeqyteti i Kosovës mori 55 nga 66 vota”, shkroi ICMG.
The Host City of the 21st Mediterranean Games 2030 will be Prishtina after a voting process in the ICMG General Assembly. The capital of Kosovo took 55 out of 66 votes.#MG2030#Prishtina2030#mediterraneangames #ICMG pic.twitter.com/AyEFJDWJic
— International Committee of the Mediterranean Games (@cijmmedgames) September 8, 2023
