Pas humbjes së garës për kryetare të Odës Ekonomike të Kosovës, Afaristja Erëza Vela ka reaguar duke thënë se sot në OEK u votua për parti politike e jo individ.
Sipas saj, koha do ta dëshmojë se zgjedhja e Rafunës në këtë pozitë, është e gabuar.
“Në humbje e në fitore, unë fokusohem me dhënë 100 përqindëshin tim. Preferoj me humb me profesionalizëm, nder dhe kokë lartësi, sesa me fitua me mashtrime, kontrabandime e përkrahje të taborreve politike”, ka shkruar Vela në profilin e saj në Facebook.
“Arma ime në këtë garë ishte përvoja profesionale, përvoja në biznes, përvoja akademike dhe një plan super vizionar. Bizneset e OEK nuk i patën këto si kritere për me e vlerëso Kryetarin e OEK. Ata sot votuan parti politike, jo individ. Koha ka me e dëshmua qe Lulzim Rafuna ka qene zgjidhja e gabuar”, ka shtuar më tej ajo.
