Policia e Kosovës ka arrestuar një person me dyshimin se e ka shantazhuar një femër se do t’ia publikojë fotot dhe video-incizimet intime nëse nuk i jep para.
Sipas Policisë së Kosovës, rasti ka ndodhur të martën në magjistralen Ferizaj-Kaçanik.
Në raportin 24- orësh theksohet se me vendim të prokurorit i dyshuari pas intervistimit është dërguar në mbajtje për 48 orë deri në marrjen e një vendimi tjetër nga organet e drejtësisë.
“Është arrestuar i dyshuari mashkull kosovar nën dyshimin se ka kërkuar para nga viktima femër kosovare duke e shantazhuar se nëse nuk i jep para do t’ia publikoj fotot dhe video incizimet intime të saj që i kishte. Me vendim të prokurorit i dyshuari pas intervistimit është dërguar në mbajtje”, thuhet në raport të Policisë së Kosovës.
