Oda Ekonomike e Kosovës ka zgjedhur sot drejtuesit e rinj, ku kryetar i OEK-ut u zgjodh Lulzim Rafuna.
Ndërkaq, kryesues i Kuvendit është zgjedhur Sami Mazreku nga Byroja e Sigurimeve.
Kuvendi i OEK-ut zgjodhi Rafunën kryetar me 27 vota, ndërsa mandati i kryetarit është katërvjeçar.
Lulzim Rafuna më parë ishte ish-Drejtor i Doganës së Kosovës, ministër në detyrë i Financave dhe këshilltar i ish-Ministrit të Financave, Bedri Hamza, dhe kryeministrit shqiptar Edi Rama.
Në garë për kreun e OEK-it ishte edhe Erëza Vela e cila mori vetëm 11 vota si dhe Ruzhdi Kurtishaj 12 vota.
Kryetari i deritanishëm ishte Berat Rukiqi.
