Një 35-vjeçar ka ushtruar dhunë ndaj nënës së tij 54-vjeçare, e cila është detyruar ta denoncojë në Polici.
Ai po dyshohet se e ka sulmuar fizikisht nënën e tij, duke e goditur me grushte dhe si pasojë i ka shkaktuar lëndime trupore, me ç’rast ajo ka marrë trajtim mjekësor në spital.
I dyshuari është shoqëruar në stacion policor për intervistim, ku para hetuesve ka dhënë deklaratë për denoncimin kundër tij.
Pas përfundimit të procedurave, Prokurori i Shtetit ka nxjerrë aktvendim që 35-vjeçarit t’i caktohet masa e ndalimit në kohëzgjatje prej 48 orësh dhe i njëjti të hetohet nën dyshimet për kryerjen e veprës penale ‘Dhunë në familje’.