Dy ditë më parë një drejtor dhe zyrtar komunal i Suharekës janë arrestuar nga Drejtoria e Krimeve Ekonomike dhe Korrupsionit e Policisë së Kosovës, nën dyshimin se ata me qëllim përfitimi për vete kanë shkelur Ligjin e Prokorimit Publik.
E në ditën e parë të paraburgimit, drejtorit i shpërblehet OJQ-ja me tender nga Drejtoria e tij.
Këtë e ka bërë të ditur partia opozitare në këtë komunë, Lëvizja Vetëvendosje, e cila vlerëson se tenderi është haptas i kurdisur, si për nga kriteret ashtu edhe për nga procedura.
“Dje Komuna e Therandës ka publikuar njoftimin për dhënie të kontratës “Shërbime profesionale të zjarrfikëseve” me numër të prokurimit 624-23-5505-2-2-1, fitues i këtij tenderi nuk është një Operator Ekonomik siç e parasheh Ligji për Prokurimin Publik por një Organizatë Joqeveritare themelues i së cilës është drejtori tashmë i arrestuar”.
Vlera e parashikuar e kontratës nga komuna ishte 120.000€ ndërsa oferta e OJQ-së që ka fituar është 119,520.00 euro.
Sipas Vetëvendosjes, kjo përllogaritje aq e saktë nuk është e rastësishme
“Ky tender është haptas i kurdisur, si për nga kriteret ashtu edhe për nga procedura. Po shpresojmë që pas këtij reagimi të merren masa menjëherë për anulimin e tij, ngase zyrtarët Komunal që e nënshkruajnë këtë tender do të duhet të përfundojnë në të njëjtin vend sikurse drejtori i tyre”, thuhet në reagimin e Vetëvendosjes.
dy ditë më parë dhe pas një hetimi disamujor Drejtoria e Krimeve Ekonomike dhe Korrupsionit e Policisë së Kosovës ka arrestuar dy zyrtarë të lartë të Komunës së Suharekës.
Sipas burimeve të KosovaNews bëhet fjalë për Enver Shabanin drejtor i Shërbimeve Publike në Suharekë dhe Berat Kabashin zyrtar në drejtorinë e shërbimeve publike.
Të dyshuarve u është caktuar masa e paraburgimit prej 48 orësh me vendim të prokurorit të rastit Petrit Kryeziu.
Rasti ka të bëjë për dyshime në keqpërdorime në tenderë për ndërtimin e disa rrugëve nëpër disa fshatra të Komunës së Suharekës.
