Ministrja e Drejtësisë, Albulena Haxhiu ka bërë të ditur se në mbledhjen e sotme të Qeverisë është miratuar Koncept-dokumenti për Kodin e Procedurës Civile.
Ajo ka thënë se brenda këtij viti planifikojnë të procedojnë në Kuvendin e Kosovës për votim edhe Kodin Civil edhe Kodin për Procedurën Civile.
“Ne jemi duke punuar me deputetët e Kuvendit të Kosovës që Kodi Civil të mos dështojë kur të shkojë në kuvend. Prandaj edhe po sigurohemi që do ta kemi mbështetjen e deputetëve, pra grupit tonë parlamentar sikurse edhe të deputetëve të opozitës sepse ky dokument prek interesat e qytetarëve, prandaj këtu ka obligim dhe përgjegjësi edhe opozita”, ka theksuar ministrja Albulena Haxhiu në konferencë për media pas mbledhjes së ekzekutivit.
