Një ngjarje e pazakontë ka ndodhur sot pasdite në hyrje-daljet e kryqëzimit të autostradave “Ibrahim Rugova” dhe “Arbën Xhaferi” në afërsi të Fushë Kosovës.
Lexues të KosovaNews kanë dërguar një video në redaksinë tonë ku shihen dy kamionë njëri prej të cilëve është i ngarkuar më lopë dhe bënë transferimin e lopëve në kamionin tjetër.
Ajo që është më skandaloze është se kamioni i cili po ngarkohej me lopë shkelë rëndë rregullat e trafikut duke u futur në anën e kundërt të autostradës. Sipas lexuesve personat të cilët edhe mund të shihen në video transferimin e lopëve e bëjnë në mënyrë të shpejtë dhe në panik të cilët ndalen në vend të ndaluar duke e rrezikuar edhe sigurinë në trafik.
Nga ajo që shihet në këtë video dyshohet për kontrabandë me kafshë dhe personat e dyshuar si duket e bëjnë transferimin e kafshëve në këtë mënyrë për të iu ikur organeve ndjekëse.
