Gjykata Themelore në Ferizaj ka marrë vendim, me të cilin ua ka vazhduar edhe për dy muaj masën e ndalimit për t’iu afruar vendit apo personit të caktuar, avokatit Besnik Berisha, arrestin shtëpiak të dyshuarit Ismet Salihu, si dhe masën e paraburgimit pesë të dyshuarve tjerë Nexhat Xhafa, Jeton Vuniqi, Fidan Zubaku, Refik Cakolli dhe Adonis Salihu.
Lajmin e ka konfirmuar Zyra për Informim e kësaj gjykate.
Sipas njoftimit, gjyqtari i procedurës paraprake, Sahit Krasniqi, ka vazhduar masat e lartë cekura ndaj shtatë të dyshuarve deri më 10 tetor 2023.
Ata dyshohen për “ushtrim ndikimi”, “pengim i procedurës penale” dhe “dhënia e ndihmës kryerësve pas kryerjes së veprave penale”.
Kundër këtij akvendimi, lejohet ankesa në Gjykatën e Apelit, raporton Betimi për Drejtësi.
Ndryshe, “Betimi për Drejtësi” kishte raportuar ekskluzivisht për dosjen e shtatë të dyshuarve, me detaje se për çka dyshohen shtatë të pandehurit dhe pretendimet e Prokurorisë Themelore të Ferizajt, e cila kishte marrë aksion duke i arrestuar të dyshuarit për veprat e lartpërmendura.
