Dy zyrtarë të Ministrisë së Industrisë, Ndërmarrësisë dhe Tregtisë, dhe një afarist janë arrestuar nën dyshimet me rezervat shtetërore.
Ata janë arrestuar të premten pas një aksioni të Policisë që është zhvilluar në tri lokacione.
Të arrestuarit janë drejtori i Divizionit për Rezervat Shtetërore të Mallrave, Hafiz Gara, dhe drejtori i Departamentit për Integrim Evropian dhe Koordinim të Politikave, Irfan Lipovica.
Gjithashtu është arrestuar edhe afaristi Ridvan Muharremi njëri nga personat e dyshuar në këtë rast.
Avokati Mahmut Halimi ka thënë se klienti i tij, Muharremi është dërguar për intervistim në Prokurorinë Speciale dhe pastaj do të vendoset për lëshim ose jo të fletarrestit.
