Institucionet e Republikës së Kosovës po vazhdojnë me angazhimet e tyre për parandalimin e kontrabadimit me mallra.
Kësaj radhe malli i kontrabanduar nga Serbia është kapur nga njësitet e antikontrabandës së Doganës së Kosovës, në regjionin e Mitrovicës.
“Në regjionin e Mitrovicës, njësitet e antikontrabandës së Doganës së Kosovës kanë identifikuar një automjet të dyshimtë dhe me rastin e ndalimit janë gjetur mallra të kontrabanduar me origjinë nga Serbia, respektivisht 675 litra vaj ushqimor”, thuhet nga Dogana e Kosovës.
Bëhet e ditur se mallrat dhe automjeti janë sekuestruar si dhe janë filluar procedura kundërvajtëse për këtë rast.
Kujtojmë se edhe dje Policia kufitare e Kosovës ka njoftuar se në një pike kontrolli në Zupç ka kapur një sasi malli pa asnjë dokumentacion.
“Rreth orës 20:15, Policia kufitare e Kosovës gjatë një pike kontrolli në Zupç kanë hasur në një automjet kombi VË transporter, ngjyrë e bardhë, me targa vendore, ku pas kontrollit ne automjet janë gjet rreth 16 thasë të mëdhenjë me tapeta muri të ndryshme”, njofton Policia./KosovaNews/
