Policia e Kosovёs (PK) njofton se gjatё implementimit tё planit operativ “Goditja”, Drejtoria Rajonale e Policisё nё Pejё, nga 11 deri mё 14 gusht ka arrestuar shtatё persona dhe sekuestruar katёr armё.
Nё njoftimin e Policis, thuhet se nga 11 gushti deri mё 14 gusht 2023, ka vazhduar implementimi i planit operativ “Goditja”, me tё gjitha njёsitet dhe stacionet policore.
Sipas Policisё, kontrollet janё bёrё kryesisht në zona ku ka më shumë lokale, kafene, bare nate, tё cilat frekuentohen mё shumё nga qytetarёt, me qëllim ruajtjen e rendit e qetësisë publike.
“Gjatё angazhimeve nё terren pёr periudhën kohore katër (4) ditore janё realizuar: Janё realizuar 170 patrulla policore, janё realizuar 144 pika tё kontrollit tё automjeteve, janё kontrolluar 792 vetura, janё legjitimuar 679 persona, janё kontrolluar 19 lokale tё ndryshme, janё realizuar 17 pika kontrolli me radar dhe alkool test, janё arrestuar 7 persona, janё sekuestruar 17 copё municion dhe janё sekuestruar 4 armë”, thuhet nё njoftim.
