Sipas një eksperti të Android, Google po përgatit një veçori të re në lidhje me lidhjen me pajisjet Android të lidhura me një llogari të vetme.
Sipas raportimeve, bëhet fjalë për diçka si veçoria ekzistuese e “Continuity” e Apple, e cila i lejon përdoruesit të marrin telefonata nga iPhone i tyre në Mac dhe iPad për sa kohë që janë në të njëjtin rrjet.
Lidhja e të gjitha pajisjeve Android në një llogari Google do të lejojë veçori të tilla si Kalimi i Telefonatave (Call Switching) dhe Ndarja e Internetit (Internet Sharing), raporton GSM Arena,
E para është mjaft e qartë, ndërsa e dyta është një mënyrë e thjeshtë për të ndarë lidhjen e rrjetit të pajisjes tuaj kryesore me pajisjet tuaja të tjera Android, ashtu si një “hotspot” i telefonave.
Pamja e ofruar nga ekrani sugjeron se funksioni “Call Switching” do të funksionojë në telefona të ndryshëm Android, ndërsa zgjidhja e Apple nuk ju lejon të merrni telefonata nga një iPhone tjetër. Kjo është e kufizuar në iPad, Mac dhe MacBook.
Megjithëse Google nuk ka njoftuar ndonjë plan për një veçori të tillë, Mishaal Rahman sugjeron se veçoria “Link Your Device” do të shfaqet në nënmenynë Settings > Google > Devices & Sharing.
