Policia e Kosovës ka bërë të ditur se është dorëzuar në polici personi që dyshohet se ka dhunuar një grua në Gjakovë.
I dyshuari është intervistuar lidhur me rastin në prezencë të avokatit, derisa me vendim të prokurorit është liruar në procedurë të rregullt.
Veprën penale dyshohet se e ka kryer një ditë më parë, të dielën e 10 korrikut.
“Më 11.07.2022 pas ftesës nga ana e Policisë është paraqitur në stacion i dyshuari kosovar, si i dyshuar lidhur me rastin. I njëjti është intervistuar në prezencë të avokatit dhe pas intervistimit me vendim të prokurorit është liruar në procedurë të rregullt”, thuhet në njoftimin e plotë, derisa rasti është iniciuar si “dhunim”.
Ndryshe, policia të hënën ka njoftuar se viktima kishte raportuar se ngjarja kishte ndodhur në mënyrë sistematike dhe pas ngjarjes e njëjta ishte dërguar në spital për ekzaminime mjekësore.
Në raportin e djeshëm thuhej se viktima derisa kishte shkuar te nëna e saj për vizitë në Gjakova ishte dhunuar nga një burrë./KosovaNews/
