Kryetari i AAK-së, Ramush Haradinaj ka përkujtuar 25-vjetorin e rënies së nënës luftëtare Aze Brahimaj.
Haradinaj tha se ajo ishte një nënë luftëtare në historinë tonë dhe se trimëria, guximi dhe vendosmëria e saj e bëjnë të veçantë atë në kujtimin e brezave.
Me 3 gusht 1998, Haradianj ka përkujtuar edhe tre dëshmorët e tjerë të rënë Idriz Gucati dhe Sejdi e Arif Kasumaj.
“Në 25 – vjetorin e rënies, nderojmë heroizmin e nënës Aze, e gjithashtu sakrificën e nënës së saj Zize Syla dhe të rënëve të tjerë të 3 gushtit 1998, Idriz Gucati dhe Sejdi e Arif Kasumaj.
Një nënë luftëtare si ajo, është unike në historinë tonë të re dhe sot kur e kujtojmë me pietet, duhet të vëmë në pah se lavdia e UÇK-së nuk do ta kishte përmasën që e ka pa nënat tona të papërkulura.
Trimëria, guximi dhe vendosmëria e saj deri në vetëmohim, e bën të veçantë dhe të paharruar në kujtimin e brezave.”, ka shkruar Haradinaj në facebook.
