Presidentja e Kosovës, Vjosa Osmani ka përkujtuar 11-vjetorin e rënies së policit Enver Zymberi.
Osmani tha se Enver Zymberi ra në mbrojtje të integeritetit territorial të Kosovës dhe se sot e nderojmë guximin dhe sakrificën e tij.
Presidentja Osmani më tej shtoi se, Policia e Kosovës janë mbrojtësit e palëkundur të kufijve të shtetit tonë nga agresioni i vazhdueshëm i Serbisë dhe që duhet të mbështetet maksimalisht puna e tyre.
“Presidentja Osmani përkujton policin Enver Zymberi: Policia e Kosovës janë mbrojtësit e palëkundur të kufijve të shtetit tonë nga agresioni i vazhdueshëm i Serbisë
Presidentja Vjosa Osmani ka përkujtuar heroin Enver Zymberi në dymbëdhjetë vjetorin e rënies.
Në vijim gjeni të plotë përkujtimin e Presidentes:
Dymbëdhjetë vjet më parë polici Enver Zymberi ra në mbrojtje të integritetit territorial të Kosovës. Sot e nderojmë guximin dhe sakrificën e heroit. Ai ishte mishërim i përkushtimit, guximit dhe vetëmohimit.
Atij, sikurse edhe të gjithë policëve të rënë në detyrë u përkulemi për kontributin e çmuar për sigurinë tonë në çdo cep të vendit.
Sikurse atëherë, ashtu edhe sot, Policia e Kosovës janë mbrojtësit e palëkundur të kufijve të shtetit tonë nga agresioni i vazhdueshëm i Serbisë, prandaj ata duhet jo vetëm të respektohen por edhe të vlerësohen e mbështeten maksimalisht për punën dhe sakrificën e tyre.”, thuhet në njoftimin e Presidences.
