Sot do të mbahen mbledhjet e dy komisioneve të Kuvendit të Kosovës, respektivisht Komisioni për Buxhet, Punë dhe Transfere, si dhe Komisioni për Arsim, Shkencë, Teknologji, Inovacion, Kulturё, Rini dhe Sport.
Në mbledhjen e Komisionit për Buxhet, Punë dhe Transfere sipas një njoftimi për media do të bëhet shqyrtimin e raportit me amendamente të Komisionit Funksional për Projektligjin për të drejtat e autorit dhe të drejtat e përafërta.
Mandej bëhet shqyrtimi i raportit me amendamente i Komisionit Funksional për Projektligjin për parandalimin dhe mbrojtjen nga dhuna në familje, dhuna ndaj grave dhe dhuna në baza gjinore dhe shqyrtimin e raportit me amendamente i Komisionit Funksional për Projektligjin për plotësimin dhe ndryshimin e Ligjit për Këshillin e Pavarur Mbikëqyrës për Shërbimin Civil të Kosovës.
Mes tjerash ky komision do të bëj shqyrtimin edhe të Projektligjit për ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve, dhe Bankës Evropiane për Investime për Projektin “Rehabilitimi i linjës hekurudhore 10 B”.
Në rend dite është edhe shqyrtimi i raportit vjetor i Organit Shqyrtues i Prokurimit për vitin 2022, shqyrtimi i raportit vjetor i Komisionit Rregullativ të Prokurimit Publik për vitin 2022, shqyrtimi i raportit vjetor Financiar i Zyrës së Rregullatorit për Energji për vitin 2022, shqyrtimi i raporti vjetor Financiar i Komisionit të Pavarur për Media për vitin 2022 dhe shqyrtimi i Raporti vjetor Financiar i Autoritetit Rregullativ për Komunikime Elektronike dhe Postare për vitin 2022.
Kurse Komisioni për Arsim, Shkencë, Teknologji, Inovacion, Kulturё, Rini dhe Sport, në rend dite ka shqyrtimin e raporteve të komisioneve të përhershme për Projektligjin për të drejtat e autorit dhe të drejtat e përafërta.
