Ylli i futbollit Neymar, gjatë një interviste, ka rrëfyer se ishte një hap larg lamtumirës me kombëtaren braziliane: “Pas Kupës së Botës në Katar, sinqerisht, nuk doja të kthehesha. Megjithatë rishikova gjithçka, sepse jam shumë ambicioz dhe e mendova.
Pas Kupës së Botës, nuk doja të përballesha kaq shumë me humbjen, por të peshoja dhimbjen e familjes sime. Kam qarë për rreth pesë ditë radhazi. Më dhemb shumë, ëndrra ime u zhduk papritmas” – u shpreh Neymar.
Në Paris braziliani nuk ka më atë afeksionin e dikurshëm nga tifozët. Ulje-ngritjet e shpeshta kanë bërë që drejtuesit ta nxjerrin në treg, por ylli i PSG-së ka një mesazh të qartë për të gjithë:
“Shpresoj të luaj me PSG, nuk ka shumë për të thënë rreth se ardhmes sime. Kam një kontratë me Parisin dhe deri tani klubi nuk më ka komunikuar ndonjë vendim. Dëmtimi në kyçin e këmbës ishte i rëndë, ishte një periudhë e vështirë për mua.
Por, tani shoh përpara dhe dua të rikthehem në formën më të mirë. Fitoret dhe titujt janë të rëndësishëm, por në këtë moment dua vetëm të luaj sërish futboll të bukur. Do të qëndroj edhe pa dashurinë e tifozëve”, – përfundoi Neymar.
Për brazilianin interes ka shprehur Barcelona, qoftë edhe në formë huazimi, por paga e lartë që përfiton te PSG është pengesë e madhe. Sirena ka edhe nga Chelsea, por klubi anglez asnjëherë nuk është futur seriozisht për ta blerë.
