Lionel Messi është shfaqur të shtunën me fanellën e klubit amerikan, Inter Miami.
Skuadra nga Florida ka njoftuar për përfundimin e transferimit, duke bërë të ditur se bëhet fjalë për një marrëveshje që zgjat deri në vitin 2025.
Fitusi i shtatëfishtë i Topit të Artë ka thënë se ndihej i lumtur.
“Jam shumë i emocionuar për të filluar këtë hap tjetër në karrierën time me Inter Miami dhe në Shtetet e Bashkuara. Kjo është një mundësi fantastike dhe ideja është të punojmë së bashku për të arritur objektivat që kemi vendosur”, është shprehur ai. “Jam i etur të ndihmoj”.
Tridhjetë e gjashtë vjeçari argjentinas muajin e kaluar kishte njoftuar se kishte vendosur të bashkohej me skuadrën amerikane pas përfundimit të kontratës me Paris St Germain.
Ai pritet që të debutojë të premten kundër Cruz Azul të Meksikës.
