Drejtoria e Hetimeve të Krimeve të Rënda ka bastisur disa lokacione në Prishtinë të enjten dhe ka arrestuar shtatë persona.
Ata dyshohet se kanë penguar hetimet në lidhje me një rast të fajdeve.
Shtatë të dyshuarit janë dërguar në mbajtje.
“Drejtoria e Hetimeve të Krimeve të Rënda me autorizim të Prokurorit ka bastisur disa lokacione dhe ka arrestuar shtatë (7) të dyshuar meshkuj kosovarë, nën dyshimin se të njëjtit kanë ndikuar dhe penguar hetimet në lidhje me një rast të fajdeve. Në cilësi të provave materiale janë konfiskuar: një pistoletë, 5 telefona dhe 7500 € para të gatshme. Pas intervistimit me vendim të prokurorit të dyshuarit janë dërguar në mbajtje”, thuhet në raportin ditor.
