Tjetër konfrontim kanë pasur deputetët e pushtetit me ata të Partisë Demokratike të Kosovës. Fillimisht janë tërhequr mes vete deputeti i VV-së, Sali Zyba, dhe ai i PDK-së, Rashit Qalaj. Më vonë tensione pati edhe mes Hajdar Beqës së PDK-së dhe një deputeti të pushtetit.
Të gjithë deputetët po qëndrojnë në afërsi të foltores në Kuvend. Të pranishëm janë edhe forcat e sigurimit.
Në një moment është parë që deputetja e Aleancës për Ardhmërinë e Kosovës, Albana Bytyqi, ka gjuajtur me shishe të ujit në drejtim të Kurtit.
Pas kësaj ka reaguar menjëherë mbrojtja e afërt e kryeparlamentarit Konjufca.
Opozita është duke kërkuar anulimin e seancës, derisa e kanë bllokuar foltoren e Kuvendit. Kurse pozita është duke insistuar që seanca të vazhdojë.
