Kryetari i Parlamentit të Kosovës, Glauk Konjufca, ka tentuar të nisë një seancë të jashtëzakonshme të Kuvendit, por është ndalur nga deputetët e Partisë Demokratike të Kosovës (PDK)
Pas rrahjes në Kuvendin e Kosovës, në mes të përfaqësuesve të opozitës dhe pozitës, kryetari i Parlamentit, Glauk Konjufca, ka tentuar ta nis një seancë të jashtëzakonshme të kërkuar nga 41 deputetë.
“Shpresoj që të mbretëroj gjakftohtësia, ky është serioziteti që institucionet me mujt me vazhdu. Na ka ardhë një thirrje për seancë të jashtëzakonshme është e thirrur prej 40 deputetëve, kjo është kategori kushtetuese dhe duhet ta mbajmë. Sipas këti detyrimi që e kemi po vazhdojmë”, ka thënë Konjufca.
Por, kjo përsëri nuk është lejuar nga deputetët e Partisë Demokratike të Kosovës, të cilët përsëri e kanë bllokuar foltoren, duke ia pamundësuar punën normale Kuvendit të Kosovës.
