Juventus ka konfirmuar nënshkrimin e Timothy Weah në një transferim të përhershëm nga Lille.
Anësori amerikan iu nënshtrua testeve mjekësore me Zonjën e Vjetër në fillim të kësaj jave dhe transferimi i tij në Torino tashmë është zyrtarizuar.
“Timothy Weah është bërë zyrtarisht lojtar i Juventusit. Amerikani arrin në një marrëveshje të përhershme nga Lille”, thuhet në deklaratën e Juventusit.
“Gjashtë vite radhazi plot fitore. Gjashtë vite rritjeje të jashtëzakonshme që e kanë transformuar Timothy në një lojtar jashtëzakonisht fleksibil, i aftë për të mbuluar rolet mbrojtëse dhe sulmuese, duke u bërë kështu një anësor me rreze të plotë”.
“Tani një aventurë e re tërësisht bardh e zi , e dëshiruar fort nga të dyja palët, me qëllim pasurimin e Tempullit të Trofeve të Muzeut të Juventusit dhe palmareve të tij. Së bashku!”, thuhet mes tjerash në komunikatën e Zonjës së Vjetër.
Bianconerët kanë konfirmuar gjithashtu shifrat pas marrëveshjes. Weah i është bashkuar Zonjës së Vjetër për 10.3 milionë euro të pagueshme në dy vite financiare plus një maksimum prej 2.1 milionë euro shtesa dhe 1 milionë euro komision.
Ai ka nënshkruar kontratë deri në qershor të vitit 2028.
Weah, djali i sulmuesit legjendar të Milanit, George, do të zëvendësojë Juan Cuadradon, i cili u largua nga Bianconerët në fund të kontratës së tij më 30 qershor.
